या बॉलीवूड अभिनेत्री सोबत विमानतळ घडला घाणेरडा प्रकार, चुकीच्या पद्धतीने तिथं हात लावून..

समाजात वावरत असताना अनेक महिलांना छेडछाडीचे अनुभव येत असतात. महिलांच्या सुरक्षेचा प्रश्न ऐरणीवर आल्याचे समाजातील घटनांमधून सातत्याने दिसून येते. समाजातील या प्रवृत्तीचा सामना काही फक्त सर्वसामान्य महिलांनाच करावा लागतो असे नाही तर सेलिब्रिटी अभिनेत्रींनाही सामाजिक जीवनात असे वाईट अनुभव येतात.

आजपर्यंत अनेक अभिनेत्रींनी यावर आवाज उठवला आहे, सोशलमीडियावर पोस्ट केल्या आहेत. अशाच एका लाजिरवाण्या प्रसंगातून नुकतीच अभिनेत्री आयेशा टाकिया हीदे खील गेली. विशेष म्हणजे ११ एप्रिल या तिच्या वाढदिवसानिमित्त पती फरहान आणि मुलासोबत गोव्याहून मुंबईला परत येत असताना.

गोवा विमानतळावरील दोन अधिकाऱ्यांनीच आयेशासोबत अश्लील वर्तन केले. पती फरहानच्या लक्षात येताच त्याने तक्रार केली आणि त्यानंतर त्या विमानतळ अधिकाऱ्यांनी माफी मागितल्यानंतर हे प्रकरण निकाली निघाले. फरहान आजमी याने त्याच्या ट्विट करून हा अनुभव शेअर केला असून आयेशानेही या प्रकाराबाबत एअरपोर्टवरील अधिकाऱ्यांचा निषेध केला आहे.

फॅशन मॉडेलिंग, अभिनय या क्षेत्रात काही काळ काम केल्यानंतर अभिनेत्री आयेशा टाकिया हिने समाजवादी पार्टीचे नेते व माजी मंत्री अबू आझमी यांचा मुलगा फरहान याच्याशी लग्न केले. लग्नानंतर आयेशा फिल्मी दुनियेपासून लांब केली. मध्यंतरी तिने चेहऱ्यावर केलेल्या प्लास्टीक सर्जरीमुळे बदलून गेलेल्या तिच्या लूकची खूप चर्चा झाली.

टारझन द वंडर कार या सिनेमातून आयेशाने बॉलिवूडमध्ये पदार्पण केले आणि फिल्मफेअर पुरस्कारही मिळवला. डोर या सिनेमातील आयेशाने साकारलेली तरूण विधवा ही भूमिकाही कौतुकास पात्र ठरली. पण खरी प्रसिध्दी तिला मिळाली ती सलमान खान याच्यासोबत वाँटेड या सिनेमात. तिच्या कारकीर्दीतील वाँटेड हा सुपरहिट व्यावसायिक सिनेमा ठरला. त्यानंतर मात्र आयेशा पूर्णपणे तिच्या कुटुंबातच रमली.

११ एप्रिलला आयेशा ३६ वाढदिवस साजरा करत आहे. वाढदिवसाच्या निमित्तानेच ती पती फरहान आणि मुलासोबत गोव्याला फिरायला गेली होती. मुंबईला परत जाण्यासाठी ती कुटुंबासोबत गोवा विमानतळावर आली तेव्हा तेथील अधिकाऱ्यांनी तपासणीच्या काउंटरवर पती आणि मुलापासून बाजूला बोलवले. तपासणीचा भाग म्हणून आयेशाही गेली पण तेव्हाच दोन अधिकाऱ्यांनी आयेशाला चुकीच्यापध्दतीने स्पर्श केला.

इतकेच नव्हे तर तिचा पती फरहान यांच्यावर लाजिरवाणी कमेंटही केली. फरहानने त्याच्या पोस्टमध्ये असं म्हटले आहे की इतर प्रवाशांची तपासणी कुटुंबासोबत एकत्रच होत असताना आयेशाला फक्त त्यांनी आमच्यापासून वेगळे केले. त्याबाबत विचारताच त्या अधिकाऱ्याने दुसऱ्या कर्मचाऱ्याला बोलवून मला धमकी दिली.

हा प्रकार आयेशाचा पती फरहान याच्या लक्षात येताच त्याने तडक गोवा एअरपोर्ट व्यवस्थापनाकडे तक्रार केली. ज्यामध्ये गोवा एअरपोर्टवरील आर. पी. सिंग आणि ए. के. यादव या अधिकाऱ्यांची नावेही फरहानने जाहीर केली. फरहानने हे ट्विट मुंबई पोलिस आणि गोवा एअरपोर्ट व्यवस्थापनाला शेअर केले.

त्यानंतर मात्र प्रशासनाकडून तातडीने हालचाली झाल्या. गोवा एअरपोर्टवर झालेल्या प्रकाराबद्दल आयेशा आणि फरहान यांची माफी मागायला अधिकाऱ्यांनाही भाग पाडले. या प्रकारामुळे आयेशा आणि फरहान याना नाहक त्रास सहन करावा लागला.