‘1 तास करते म्हणून 3 मिनिटांमध्ये उरकलं…’, या अभिनेत्रीवर फसवणुकीचा आरोप

अभिनेत्री अमिषा पटेल वर फसवणुकीचा आरोप असून एका सामाजिक कार्यकर्त्याने तिच्याविरोधात तक्रार दाखल केली आहे. तक्रारीनुसार, अमिषाने एका शोसाठी मोठी रक्कम घेतली पण परफॉर्मन्स मात्र काही मिनिटांचाच दिला. अमीषाने नुकतेच या घटनेबद्दल ट्वीट केले होते की तिला तिच्या जीवाची भीती वाटते. यावेळी अभिनेत्रीने कार्यक्रमातून तिला सुखरूप बाहेर काढल्याबद्दल पोलिसांचे आभार मानले.

अमीषाने २३ एप्रिल रोजी मध्य प्रदेशातील खांडवा येथे एका कार्यक्रमात परफॉर्म केले होते. तिच्या परफॉर्मन्सच्या काही तासांनंतर, अमीषाने ट्वीट करत म्हटलं की, ‘काल २३ एप्रिल रोजी मध्य प्रदेशातील खांडवा शहरात नवचंडी महोत्सव २०२२ मध्ये भाग घेतला. स्टार फ्लॅश एण्टरटेनमेन्ट आणि श्री अरविंद पांडे यांनी अतिशय वाईट पद्धतीने कार्यक्रम आयोजित केला होता. मला माझ्या जीवाची भीती वाटत होती, पण माझी खूप चांगली काळजी घेतल्याबद्दल मला स्थानिक पोलिसांचे आभार मानायचे आहेत.’

एका तासाचा परफॉर्मन्स ३ मिनिटांत उरकला

मंगळवारी, कार्यक्रमाच्या आयोजकांपैकी एक, सामाजिक कार्यकर्ते सुनील जैन यांनी अमीषाच्या विरोधात तक्रार दाखल केली. तिने कार्यक्रमासाठी मोठी रक्कम घेतली होती, परंतु जेवढा वेळ सांगितला होता तेवढा वेळ परफॉर्मन्स सादर केला नाही. मोघाट पोलीस ठाण्याचे प्रभारी ईश्वर सिंह चौहान यांनी ‘टाइम्स नाऊ’ला सांगितले की, ‘सिनेअभिनेत्री अमिषा पटेलच्या कार्यक्रमाच्या दिवशी मीही तिथे उपस्थित होतो.

लोकांची गर्दी नक्कीच होती, पण अभद्रता नव्हती. इतर कोणत्याही प्रकारच्या आशंकाबाबत कोणतीही माहिती नव्हती. रात्री ९.३० च्या सुमारास अभिनेत्री मंदिराच्या आवारात बांधलेल्या मंचावर पोहोचली आणि उपस्थितांना अभिवादन केलं. अमिषाला तासभर परफॉर्म करायचं होतं, मात्र अवघ्या ३ मिनिटांच्या परफॉर्मन्सनंतर ती इंदूरला रवाना झाली.

अमिषा पटेलची सोशल मीडिया पोस्ट

पोलिस तक्रारीनंतर, अमिषाने सविस्तर निवेदन जारी करून याप्रकरणी तिची भूमिका स्पष्ट केली. ‘मला स्पष्ट करू द्या, एका सामाजिक कार्यकर्त्याची फसवणूक केल्याच्या वृत्ताच्या विरोधात, मी २३ एप्रिल २०२२ रोजी मध्य प्रदेशातील नवचंडी महोत्सवाला उपस्थित होतो. स्टार फ्लॅश एण्टरटेनमेन्ट आणि अरविंद पांडे यांनी आयोजित केलेला कार्यक्रम इतका वाईट पद्धतीने आयोजित केला होता की मी घाबरले.

या कार्यक्रमात मला कधीच परफॉर्म करायचं नव्हतं, तो फक्त एक देखावा होता जो मी पूर्ण केला.’ ‘जेव्हा मी तिथे पोहोचलो तेव्हा मला जाणवले की आयोजक घाणेरडे खेळ करत आहेत, गोष्टी अव्यवस्थित दिसत आहेत आणि मला ते ठीक वाटलं नाही. मला माझ्या जीवाची भीती वाटत होती आणि मी स्थानिक पोलिसांची आभारी आहे ज्यांनी माझ्या बाजूने सर्व पुरावे पाहिले आणि मला सुरक्षितपणे बाहेर पडण्यास मदत केली.

अशा घटनांमुळे मानवतेवर प्रश्न निर्माण होतात पण मला आनंद आहे की या जगात चांगले लोकही आहेत.’